हेटौँडा अस्पतालमा अक्सिजनको अभाव,उपचारमा समस्या

मदन भण्डारी स्वास्थ्य विज्ञान प्रतिष्ठान अन्र्तगतको हेटौँडा अस्पतालमा अक्सिजनको चरम अभाव भएको छ । मकवानपुरमा दिनानुदिन बढिरहेको कोभिड–१९ ९कोरोना भाईरस० का विरामिहरु बढेसँगै हेटौँडा अस्पतालमा अक्सिजनको अभाव भएको हो ।

अक्सिजनको अभाव भएसँगै प्रतिष्ठानले विज्ञप्ति जारी गर्दै शुक्रबारबाट अक्सिजन आवश्यक पर्ने विरामिको उपचार गर्न नसकिने जनाएको छ । विज्ञप्तिमा भनिएको छ : कोभिड–१९ का संक्रमितहरुलाई हेटौँडा अस्पतालले सुरुवाती चरणबाटै हालसम्म सेवा गर्दै आईरहेकोमा आजैबाट संक्रमण भै भर्ना भएका अक्सिजन दिई उपचार गर्नुपर्नेको लागि समस्या सृजना भएको छ साथै एचडियु र आईसियुमा भर्ना भएका बिरामीको लागि अब जम्मा ३ घण्टाको लागि मात्र अक्सिजन रहेको , अस्पतालले आवश्यक अक्सिजनको लागि अन्य जिल्लाको उद्योगहरुसँग भरपर्नुपर्ने अवस्था रहेको र बाहिरबाट हालसम्म प्राप्त भैरहेको अक्सिजन सिलिण्डर समेत हिजो रातिबाट उपलब्ध हुन छाडेको अप्ठेरो परिस्थिती सृजना भएको छ । अस्पतालले उपचार गर्दै आईरहेको सेवामा अक्सिजन उपलब्ध हुन नसकेको हुनाले विरामीको उपचारमा पर्न गएको असुविधाप्रति क्षमाप्रार्थी छौ ।

अस्पताल सञ्चालन तथा ब्यवस्थापन समितिका सदस्य उत्सव चौँलागाईले मकवानपुरमा अक्सिजन प्लान्ट नहुनुनै दुर्भाग्य भएको बताए । बाहिरबाट अक्सिजन ल्याउनुपर्ने भएको कारण  समस्या भएको उनको भनाई रहेको छ ।