जेसीआई हेटौंडाको अध्यक्षमा पवनकुमार कंशाकार चयन भएका छन् । वर्ष २०२२ को अध्यक्षमा कंशाकर सर्वसम्मत रुपमा चयन भएका हुन् । सो पदका लागि श्रवणकुमार बर्तौला र कंशाकारको उम्मेदवारी परेको थियो । अध्यक्षमा आकांक्षी बर्तोलाले अग्रजको हिसाबले कंशाकारलाई समर्थन गर्ने गरी उम्मेदवारी फिर्ता लिएका हुन् ।
निर्वाचन आयुक्त राजदेव बानियाँले १५ पुस दिउँसो सर्वसम्मत अध्यक्ष, कार्यकारिणी उपाध्यक्ष र उपाध्यक्षहरु घोषणा गरे । यसअघि सन् २०१२ का लागि कृष्ण कटुवाल सर्वसम्मत अध्यक्ष चयन भएयता सर्वसम्मत नेतृत्व चयन हुन सकेको थिएन ।
२ जना कार्यकारिणी उपाध्यक्षमा शिवकुमार श्रेष्ठ र संग्राम बल लामा सर्वसम्मत निर्वाचित भएका छन् भने उपाध्यक्ष पदमा महेश्वर अधिकारी, श्याम कृष्ण दहाल, संदिपजंग कार्की र अमित आचार्य सर्वसम्मत चयन भएका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
