थाहा नगरपालिका वडा नम्बर ७ देउखेलको सुन्दर बस्ती युवा समाजले नगरमा कोरोना सङ्क्रमण रोकथाम तथा नियन्त्रणका लागि नगरपालिकालाई स्वास्थ्य सामग्री हस्तान्तरण गरेको छ ।
समाजले आज सोमबार नगर कार्यपालिकाको कार्यालय, इन्द्रायणीचौर पुगेर नगर प्रमुख लवशेर विष्ट र उपप्रमुख खड्ग गोपालीलाई स्वास्थ्य सामग्री हस्तान्तरण गरेको हो । हस्तान्तरण गरिएको सामग्रीहरुमा छ हजार थान सर्जिकल मास्क, १० लिटर स्यानिटाइजर र २८८ डल्ला लाइफ ब्वाय साबुन रहेका छन् ।
नगरपालिकालाई स्वास्थ्य सामग्री हस्तान्तरण गर्न सुन्दर बस्ती युवा समाजको तर्फबाट जयराम खत्री, बिष्णुप्रसाद अर्याल, भुवन धमाला र सिताराम कार्की नगरपालिका कार्यालय आइपुगेका थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
