नेपाली बजारमा सुनको भाउ चार महिनायताकै सस्तो भएको छ । छापावाल सुनको भाउ २५ साउनमा एकै दिन तोलामा एक हजार रुपैयाँले घटेर ८९ हजार रुपैयाँ प्रतितोलामा कारोबार भएको छ ।
जुन गत वर्षको २६ चैतअघिकै मूल्य बराबर हो । २५ साउनका लागि तेजावी सुनको मूल्य पनि तोलामा एक हजार रुपैयाँले नै घटेर ८८ हजार ५५० रुपैयाँमा झरेको छ ।
२४ साउनमा ८९ हजार ५५० रुपैयाँमा तेजावी सुनको कारोबार भएको थियो । २५ साउनमा चाँदीको भाउ पनि घटेको छ । चाँदीको बजार मूल्य एक हजार २२५ रुपैयाँ छ ।
