साताको अन्तिम कारोबार दिन शुक्रबार पनि सुनको भाउ उकालो लागेको छ। नेपाल सुनचाँदी व्यवसायी महासंघका अनुसार शुक्रबार सुनको भाउ तोलामै १ हजार १०० रुपैयाँले उकालो लागेको हो। योसँगै शुक्रबार प्रतितोला फाइन गोल्ड ९१ हजार ७०० रुपैयाँ र तेजाबी गोल्ड ९१ हजार २०० रुपैयाँ कायम भएको छ।
बिहीबार पनि सुनको भाउ तोलामा ३०० रुपैयाँ बढेको थियो। यो दिन प्रतितोला फाइन गोल्ड ९० हजार ६०० रुपैयाँ र तेजाबी गोल्ड ९० हजार १०० रुपैयाँमा कारोबार भएको थियो। समग्रमा यो साताभरि सुनको भाउ तोलामा १ हजार ८०० रुपैयाँले उकालो लागेको छ।
शुक्रबार चाँदीको भाउ तोलामै ३५ रुपैयाँ बढेर १ हजार ३५० रुपैयाँ पुगेको छ। हिजो बिहीबार भने तोलामा ५ रुपैयाँ घटेको चाँदी १ हजार ३१५ रुपैयाँमा कारोबार भएको थियो।
यो साताभरि भने चाँदीको भाउ तोलामा ५५ रुपैयाँ बढेको छ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
