नेपाल राष्ट्रिय शिक्षक संगठनले अग्रभागमा खटिएर काम गर्ने सबै शिक्षकहरुलाई प्राथमिकतामा राखेर काेराेविरुद्धकाे खाेप लगाउन माग गर्दै थाहा नगरपालिकालाई ज्ञापन पत्र बुझाएकाे छ । नयाँ शैक्षिक सत्र शुरु हुन लाग्दा पनि शिक्षकलाई खाेप लगाउन प्राथमिकता नदिएकाे संगठनकाे गुनासाे छ ।
२३ जेठमा संगठनका थाहा नगर अध्यक्ष रुपचन्द्र गाेपालीकाे नेतृत्वमा गएकाे पदाधिकारीहरुकाे टाेलीले नगरकार्यपालिकाकाे कार्यालय पुगेर ज्ञापन पत्र बुझाएकाे हाे । नगरप्रमुख लबशेर बिष्ट नगर बाहिर रहेकाेले टाेलीले निमित्त कार्यालय प्रमुख अजित घिमिरेलाई ज्ञापन पत्र बुझाएकाे थियाे ।
संगठनले खाेप लगाए मात्र शिक्षकहरुले बार्षिक नतीजा तयार पार्न र शैक्षिक गतिबिधि गर्न उच्च मनाेबल प्राप्त हुने स्पष्ट पारेकाे छ । 
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
