अर्थमन्त्री विष्णुप्रसाद पौडेलले शनिबार प्रस्तुत गरेको बजेटमा थाहा नगरपालिकालाई केही हदसम्म छोएको देखिएको छ । बजेटमा थाहा नगरपालिकाको चित्लाङ प्राथमिकतामा परेको देखिएको छ ।
अर्थमन्त्री पौडेलका अनुसार मदन भण्डारी विश्वविद्यालयअन्तर्गत चित्लाङमा निर्माणाधिन इन्जिनियरिङ कलेज आगामी वर्षभित्र निर्माण सम्पन्न हुने भएको छ ।
त्यसैगरी थाहा नगरलाई काठमाण्डौँसँग जोड्ने निकै महत्वपूर्ण मानिदै आएको चित्लाङ–काठमाण्डौँ सुरुङमार्गको निर्माण सुरुवात आगामी आर्थिक वर्षबाट हुने भएको छ । आर्थिक वर्ष २०७८/०७९ को बजेट भाषण प्रस्तुत गर्दै अर्थमन्त्री विष्णु पौडेलले सो आयोजना सम्पन्न गर्नको लागि बजेट विनियोजन गरेको बताए ।
सरकारले नयाँ सहर निर्माण तथा पुराना सहर पुनः जागृत कार्यक्रमअन्तर्गत पनि चित्लाङ परेको छ । मकवानपुरको चित्लाङमा नयाँ सहर निर्माण र भीमफेदीमा पुरानो सहर जागृत गर्नेगरी बजेट छुट्टाइएको अर्थमन्त्रीले घोषणा गरेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
