शिक्षक दिवस २०७७ को अवसरमा नेपाल राष्ट्रिय शिक्षक संगठन थाहानगर कमिटीले पाँच जना शिक्षकलाई सम्मान गरेको छ ।
संगठनले सेवा निबृत भएका उदय प्रा.वि.थाहा–६ का केदारभक्त बलामी, जनकल्याण मा.वि थाहा–३ का दिवाकर कार्की, वसन्त प्रा.वि. थाहा–५ का जोत नारायण चौधरी, हिमालय प्रा.वि. थाहा–६ का इश्वर कुमार ठकुरी र कल्याण प्रा.वि. थाहा–५ का हरि प्रसाद साहलाई २९ चैतमा सम्मान गरेको हो ।
थाहा नगरपालिका वडा नम्बर १ मा रहेको सुनौला माविमा एक कार्यक्रमको आयोजना गरिएको थियो । नेपाल राष्ट्रिय शिक्षक संगठन थाहानगर कमिटीका अध्यक्ष रुपचन्द्र गोपालीको सभाध्यक्षतामा भएको कार्यक्रममा शिक्षक संगठन थाहानगर कमिटीका पदाधिकारीहरुको समेत उल्लेख्य सहभागिता रहेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
