थाहा नगरपालिका लगाएतका क्षेत्रमा १७ माघ शनिबार दिन भर विद्युत अवरुद्ध हुने भएको छ ।
नेपाल विद्युत प्राधिकरण पालुङ वितरण केन्द्रले कुलेखानी ड्याम साईटदेखि मार्खुसम्मको ११ के.भि. लाईन सुधार तथा लाईन छेउछाउका हाँगाविगा कटान लाईन बन्द गर्न लागको जनाएको छ । माघ १७ गते शनिबारलाई बिहान १० बजे देखि साँझ ५ बजे सम्म मार्खु हुँदै आएको ११ के.भि. लाईन बन्द हुँदा थाहा नगरपालिका, कैलाश गाँउपालिका र ईन्द्रसोरवर गाँउपालिकाको मार्खु क्षेत्रमा लाईन बन्द हुने प्राधिकरणले जनाएको छ ।
कुलेखानी ड्याम साईटदेखि मार्खु खण्डको लाईनमा पटक पटक समस्या आईरहेकाले लाईन मर्मत गर्न लागिएको पालुङ वितरण केन्द्रका प्रमुख विनोद अधिकारीले बताए । प्राधिकरण पालुङले यसअघि पनि लाइन मर्मत गर्ने भन्दै शनिबारका दिनहरुमा विद्युत लाईन अवरुद्ध गर्दै आएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
