नेकपा एमालेकाे भातृ संगठन राष्ट्रिय युवा संघ नेपाल थाहा नगर कमटीले पेट्रोलियम पदार्थमा भएकाे मूल्य वृद्धिकाे विराेध गरेकाे छ ।
साे कमिटीले २८ कात्तिकमा थाहानगरकाे थानाबजारदेखि शिखरकाेटसम्म पैदल हिँडेर मूल्य वृद्धिकाे विराेध गरेकाे हाे।
युवा संघ नगर अध्यक्ष प्रदिप भट्टकाे नेतृत्वमा युवाहरुले थानाबजार र शिखरकाेटमा काेण सभासमेत गरेकाे थियाे । सरकारले पेट्रोलियम पदार्थमा गरेकाे मूल्य वृद्धिविरुद्ध ब्यानरसहित युवाहरु थानाबजारबाट अघि बढेका थिए ।
युवाहरुले पेट्रोलियम पदार्थको मूल्य वृद्धि खारेज गर, जन अधिकार नखाेस, गठबन्धन सरकारकाे उपहार-महंगी र अत्याचार, नेकपा एमाले जिन्दावाद लगायत नारा लगाएका थिए ।
काेण सभालाई युवा संघ जिल्ला सचिवालय सदस्य सुजन कार्की र नगर अध्यक्ष भट्टले सम्बाेधन गरेकाे नगर सचिव सुमन रायमाझीले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
