मनहरी गाउँपालिकास्थित राप्ती खोलाले बगाएर एक पुरुष बेपत्ता भएका छन् । ३१ साउन विहान पर्सा राष्ट्रिय निकुन्ज क्षेत्रमा च्याउ खोज्न गएका पाँच जनामध्ये राक्सिराङ गाउँपालिका वडा नं ३ लावती घर भएर मनहरी ८ सिमपानी बस्ने ४० वर्षीय हिरालाल वाइबालाई खोलाले बगाएको हो ।
मनहरी गाउँपालिका ९ स्थित स्वस्तिक क्रसर उद्योगभन्दा केही तलबाट खोला तर्ने क्रममा वाइबालाई बगाएको थियो । वाइबालाई बगाएपछि बाँकी चार जना घर फर्केर घटनाबारे प्रहरीलाई जानकारी गराएको इलाका प्रहरी कार्यालय मनहरीले जनाएको छ ।
नेपाली सेना, शसस्त्र प्रहरीको खोज तथा उद्धार टोली, नेपाल प्रहरीसहितले बेपत्ता वाइबाको खोजी कार्य तीव्र पारेको इलाका प्रहरी कार्यालय मनहरीका प्रहरी निरीक्षक प्रकाश थापाले बताए।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
