जिल्ला प्रहरी कार्यालय मकवानपुरले १ सय ६९ किलो लागूऔषध गाँजा , भारतीय ट्रक सहित २ जनालाई पक्राउ गरेको छ ।
पक्राउ पर्नेमा भारत मोतिहारी बस्ने ३० वर्षीय रविन्द्र राय र सोही ठाँउ बस्ने ३१ वर्षिय मुक्तार सैफिक रहेका छन् ।
उनीहरुलाई ३० असारमा प्रहरीले हेटौंडा उपमहानगरपालिका वडा नम्बर १५ स्थित पूर्व पश्चिपम लोकमार्ग सडक खण्डमा हेटौडा तर्फबाट बारा तर्फ जाँदै गरेको बिआर ०१ जीजी ९४९५ नम्बरको भरतीय ट्रकलाई चेकजाँच गर्दा उक्त गाडीमा लुकाई छिपाई ल्याएको १ सय ६९ किलो लागूऔषध गाँजा सहित पक्राउ गरेको हो ।
उक्त लागूऔषध गाँजा, भारतीय ट्रक सहित उनीहरुलाई नियन्त्रणमा लिई थप अनुसन्धान भइरहेको मकवानपुर प्रहरीले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
