साना तथा सीमान्तकृत कृषकहरुमाझ वित्तीय पहुँच पुर्याउने उदेश्यले २५ असारमा मकवानपुरगढीका कृषकहरुलाई किसान कार्ड वितरण कार्य शुरु गरिएको छ । मकवानपुरगढी गाउँपालिकाका अध्यक्ष बिदुर हुमागाई र ३ नम्बर वडाध्यक्ष भागवत घिमिरेले किसानहरुलाई कार्ड वितरण गरेका हुन् । मकवानपुरगढीमा आयाेजित एक कार्यक्रममा ८ जना महिला र १७ जना पुरुष गरी २५ जना कृषकलाई किसान कार्ड वितरण गरिएकाे गाउँपालिकाका कृषि शाखा प्रमुख चन्द्रकान्त चाैधरीले जानकारी दिए ।
नेपाल बङ्गलादेश बैंक लि. मकवानपुरगढी शाखाका प्रबन्धक बद्रिबिक्रम थापाको सभाध्यक्षतामा कार्यक्रम भएकाे थियाे । कार्यक्रम गाउँपालिकाका अध्यक्ष बिदुर हुमागाईको प्रमुख आतिथ्यता तथा वडा नं ३ का वडाध्यक्ष भागवत घिमिरेको विशेष आतिथ्यतामा भएकाे हाे । साे कार्यक्रममा मनकामना दुग्ध उत्पादक सहकारी संस्था लि का अध्यक्ष अर्जुन प्रसाद दाहाल र कृषि शाखा प्रमुख चन्द्रकान्त चौधरीको आतिथ्यता रहेको थियो ।
नेपाल बंगलादेश बैंक लि., आर.एण्ड डि.ईनोभेटिभ सोलुशन प्रा.लि., मकवानपुरगढी गाउँपालिका र मकवानपुरगढी गाउँपालिका सहकारी समन्वय समिति बीच भएको चौपक्षीय सम्झौताबमोजिम किसान कार्ड वितरण गरिएको हो ।
कार्यक्रमअन्तर्गत प्रतिकिसान दुई लाखका दरले विना धितो सहुलियत व्याज दरको कृषि कर्जा उपलब्ध गराइएको छ ।
अगामी दिनमा थप कृषकहरुलाई समेटेर बित्तीय पहुँच पुर्याई कृषि तथा पशुपालन क्षेत्रमा थप व्यवसायिक बनाउने लक्ष्य लिइएकाे छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
