भिमफेदी–कुलेखानी सडकखण्ड अन्तर्गत मकवानपुरको भिमफेदी गाउँपालिकामा शुक्रबार साँझ सुमो दुर्घटना भएको छ। काठमाडौंबाट बिरगन्जको लागि छुटेको ना १ ज ६४४३ नम्बरको सुमो सडकमा अनियन्त्रित भई दुर्घटना भएको हो ।
दुर्घटनामा परी दुई जना मात्रै सामान्य घाईते भएको कुनै मानविय क्षति नभएको जिल्ला प्रहरी कार्यालय मकवानपुरले जनाएको छ । घाईते दुईजनाको सामान्य उपचारपछि डिस्चार्ज गरिएको प्रहरीले जनाएको छ ।
७ जना यात्रु लिएर सवार सुमोमा गाउँपालिकाको वडा नं.६ जुरिखेतमा तिब्रगतीको कारण सडकमै नियन्त्रित भई दुर्घटना भएको प्रत्यक्षदर्शीले बताए । सुमो र सुमो चालक प्रहरी नियन्त्रणमा रहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
