मकवानपुरको पाँच स्थानीय तहमा अस्पताल बन्ने भएको छ । संघीय मामिला तथा सामान्य प्रशासन मन्त्रालयको लगानीमा बन्ने अस्पतालहरुको स्रोत सुनिश्चतताको पत्र पालिकाहरुलाई पठाइ सकेको छ । सबै अस्पतालहरुको १५ मंसिरमा एकसाथ शिलान्यास हुने भएको छ ।
थाहा नगरपालिका र मनहरी गाउँपालिकामा १५/१५ शैय्याको, कैलाश र राक्सिराङ गाउँपालिकामा १०/१० शैय्याको र इन्द्रसरोवर गाउँपालिकामा ५ शैय्याको अस्पताल निर्माणका लागि १५ मंसिरमा शिलान्यास गरिने भएको हो ।
थाहा नगरपालिकामा मकवानपुर क्षेत्र नम्वर २ का प्रतिनिधिसभाका सदस्य विरोध खतिवडा र बागमती प्रदेश सभा सदस्य कुमारी मोक्तानले अस्पतालको शिलान्यास गर्ने कार्यक्रम तय भएको छ । थाहा नगर प्रमुख लवशेर बिष्टका अनुसार थाहा नगरपालिका वडा नम्वर ४ क्याम्पाडाँडामा अस्पताल निर्माण गरिने भएको हो । अस्पतालको लागि डिपिआर तयार भइसकेको छ ।
मनहरी गाउँपालिकामा बागमती प्रदेशका मुख्यमन्त्री डोरमणि पौडेलले अस्पताल शिलान्यास गर्ने भएका छन् ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
-1787657569.png)
-1787655185.png)
