मकवानपुर जिल्ला अदालतबाट कैद र जरिवाना फैसला सुनाइएका एक जनालाई ११ वर्षपछि प्रहरीले पक्राउ गरेको छ । जिल्ला प्रहरी कार्यालय मकवानपुरले जिल्लाको चुरियामाई घर भएका ३९ वर्षीय सानुकान्छा लोलाई २५ असारमा पक्राउ गरेको हो ।
मकवानपुर जिल्ला अदालतले लोलाई १३ मंसिर, २०६७ मा वन पैदावार ओसारपसार मुद्दामा एक वर्ष कैद र रु. ३४ हजार ४१९ जरिवानाको फैसला सुनाएको थियो । त्यही बेलादेखि फरार लोलाई प्रहरीले २५ असारमा हेटौँडा उपमहानगरपालिकाको वडा नम्बर १५ बाट पक्राउ गरी जिल्ला अदालतमा बुझाएको मकवानपुरका प्रहरी प्रवक्ता जयश्वर रिमालले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
