बेरुजु फछ्र्यौटमा उत्कृष्ट भएर ख्याती कमाएको थाहा नगरपालिकामा बागमती प्रदेशको प्रदेश सुशासन केन्द्रले दुई दिने सार्वजनिक खरिद व्यवस्थापन, वेरूजु फर्छ्यौट तथा लेखा परीक्षण सम्वन्धी गोष्ठी सम्पन्न गरेको छ ।
काठमाडौ, धादिङ, चितवन र मकवानपुरका स्थानीय तहका प्रमुख तथा प्रमुख प्रशासकीय अधिकृतहरूलाई बोलाएर सुशासन केन्द्रले थाहामा गोष्ठी गरेको हो । थाहा–६ स्थित ओम अध्याय रिसोर्टमा भएको गोठीमा ४ जिल्लाका ४० स्थानीय तहका प्रमुख तथा प्रमुख प्रशासकीय अधिकृतहरूको सहभागिता रहेको थियो ।
कार्यक्रममा सार्वजनिक खरिद व्यवस्थापन, वेरूजु फर्छ्यौट तथा लेखा परीक्षण, बिकासका आयाममा हालसम्मको प्रयास र भावी दृष्टिकोण तथा राजनीति र प्रशासनबीचको स्थानीय तहमा देखिएका सिमाङ्कन र सोको व्यवस्थापन जस्ता मुख्य विषयमा छलफल भएको थियो ।
कार्यक्रमको बागमती प्रदेशका मुख्यमन्त्री अष्टलक्ष्मी शाक्यले उद्घाटन गर्नुभएको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
