गत असारकाे तेस्रो साता थाहा-३ घर्तिखाेलामा आएकाे बाढीले बिच्छेद दामन-डाँडाबास सडक खुलाइएकाे छ । साे सडकअन्तर्गत भुङ्दलनजिक बाढीले क्षति पुर्याएकाे सडक मर्मत गरेर पुनः सञ्चालनमा ल्याइएकाे हाे ।
त्यसैगरी अविरल वर्षाका कारण क्षति पुगेका वडा नम्बर ३ का धेरैजसाे ग्रामीण सडकहरु मर्मत गरी सञ्चालनमा ल्याइएकाे वडा अध्यक्ष राजेश केसीले बताए । भुङ्दल-बाहुनगाउँ-दम्की वडास्तरीय सडक, महाभिर चाैतारा सडक, लामाचाैर सडक लगायत ग्रामीण सडकहरु सञ्चालनमा आएका छन् ।
वडा नम्बर ३ काे साबिने सडक र खैटेखाेला सडकमा भने मेशिन लैजान समस्या भएकाेले मर्मत हुन बाँकी रहेकाे वडा अध्यक्ष केसीले जानकारी दिए । उक्त सडकहरु अवरुद्ध हुँदा साविने र हात्तीपाइले क्षेत्रका बासिन्दालाई समस्या हुँदै आएकाे छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
