शिक्षक सेवा आयोगले प्राथमिक तहको तृतीय श्रेणीको शिक्षकका लागि विज्ञापन आह्वान गरेको छ । आयोगले खुलातर्फ १३ हजार ९३ पदका लागि १४ पुसमा विज्ञापन आह्वान गरेको हो । विज्ञापन १४ पुसको गोरखापत्र र आयोगको वेबसाइटमा अपलोड गरिएको आयोगले जनाएको छ ।
इच्छुक उम्मेदवारले १४ माघसम्म नियमित शुल्कमा र त्यसपछि २० माघसम्म दोब्बर शुल्कमा परीक्षा आवेदन फाराम भर्न सक्नेछन् ।
परीक्षा आगामी २० चैतमा सञ्चालन हुने आयोगका एक अधिकारीले बताए । आयोगले यसअघि माध्यमिक तहको १ हजार ५ सय ४७ शिक्षक र निमावि तहको लागि दुई हजार ५९८ पदका लागि विज्ञापन गरिसकेको छ ।
आयोगले आगामी चैतमा सबै तहको लाइसेन्स परीक्षाका लागि विज्ञापन गर्ने गृहकार्य गरिरहेको पनि जानकारी दिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
