गाेरखाकाे सामागाउँ प्रहरी चौकीमा कार्यरत प्रहरी जवान ३१ वर्षीय मोहनसिंह कुँवर २३ दिनदेखि सम्पर्कविहीन भएका छन् । घर बिदाबाट फर्किएका कुँवर १ असारमा खोर्लाबेंसीबाट कार्यक्षेत्र सामागाउँतर्फ लागेदेखि नै सम्पर्कविहीन छन् ।
घर बिदाबाट कार्यक्षेत्र फर्केका प्रहरी जवान २३ दिनदेखि सम्पर्कविहीन बनेको जिल्ला प्रहरी कार्यालय गोरखाका प्रहरी प्रमुख एसपी शेखर खनालले बताए । ‘गोरखा बजारबाट साथीहरूसँग लिफ्ट मागेर जेठ ३१ गते खोर्लाबेंसीसम्म गएको जानकारी पायौं,’ उनले भने, ‘त्यो बेला त्यो एरियामा मोबाइल नेटवर्क पनि थिएन, फोन पनि अफ छ ।’
उनका अनुसार १ असारमा खोर्लाबेंसीबाट सामागाउँतर्फ गएको जानकारी पाए पनि हालसम्म सम्पर्क भएको छैन । कञ्चनपुर वेदकोट नगरपालिका–२ घर भएका प्रहरी जवान कुँवर गत चैतबाट सामागाउँ प्रहरी चौकीमा कार्यरत थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
