पानी जमेको खाल्डोमा पौडी खेल्न गएका दुई बालकको डुबेर मृत्यु भएको छ।
प्रहरीका अनुसार कीर्तिपुर नगरपालिका-६ टौदह नयाँ झोलुङ्गे पुलनजिक पानी जमेको खाल्डोमा पौडी खेल्ने क्रममा डुबेर दुई जना बालकको बिहीबार दिउँसो डुबेर मृत्यु भएको हो।
प्रहरीका अनुसार मृत्यु हुनेह दक्षिणकाली नगरपालिका-१ खहरे बस्ने ओखलढुङ्गा सिजिदेव गाउँपालिका-३ घर का ११ वर्षीय प्रशान्त सुनुवार र ओखलढुङ्गा सिद्धिचरण नगरपालिका-१ घर भएका ८ वर्षीय क्रिस मगर छन्।
खाल्डोमा पाँच जना बालक पौडी खेल्न गएकोमा दुई जना हराएपछि महानगरीय प्रहरी वृत्त कीर्तिपुर र विपद व्यवस्थापनबाट टोली गएको थियो।
टोलीले खोजी गर्ने क्रममा खाल्डोमा बालकको शव फेला पारेको महानगरीय प्रहरी परिसर काठमाडौंले जनाएको छ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
