पोखरा महानगरपालिकाको मेयर पदमा सत्ता गठबन्धनविरुद्ध बागी उठेका विमल बहादुर कार्कीले उम्मेदवारी फिर्ता लिएनन्। निर्वाचन आयोगले तोकेको शुक्रबार साँझ ५ बजेसम्म उम्मेदवारी फिर्ता लिने समय दिएको थियो।
पोखरामा नेपाली कांग्रेसका ऋषि सापकोटा, नन्दप्रसाद तिवारी र कार्कीले बागी दिएका थिए।
कांग्रेसले मतदातालाई अन्य दलको चिह्नमा भोट हाल्न बाध्य गराएको भन्दै स्वतन्त्र उम्मेदवारी दिएका सापकोटा र तिवारीले उम्मेदवारी फिर्ता लिएका छन्।
कार्कीले आफ्नो उम्मेदवारी राजनीतिक विद्रोह भन्दै अडानमा कायमै रहेको सञ्चारमाध्यमहरूलाई बताएका छन्।
कार्की कास्की २ नम्बर का क्षेत्रीय सभापति तथा कांग्रेस पोखरा नगर कार्यसमितिका पूर्वसभापति पनि हुन्।
सभापति शेरबहादुर देउवाले गठबन्धनको नाममा अन्य पार्टीको चुनाव चिह्नमा मतदान गर्न लगाएपछि बागी उम्मेदवारी दिनुपरेको कार्कीले बताए।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
