मकवानपुर थाहानगरमा क्रियाशील पालुङ जेसीज वर्ष २०२१ को अध्यक्षमा नवराज लामा विजयी भएका छन् । वर्ष २०२० मा महासचिव रहेका लामाले अध्यक्षका अर्का उमेद्वार जयराम खत्रीलाई २६ मतको भारी अन्तरले पराजित गरेका हुन् । पालुङ जेसीजको सभाहलमा भएको निर्वाचनमा कुल १ सय ३६ मत खसेकोमा लामाले ८१ र खत्रीले ५५ मत पाएका हुन् । निर्वाचनमा खसेको सबै मत सदर भएको थियो ।
यसअघि अध्यक्षका उमेद्वार अनिता विष्ट, संगम कार्की र विक्रम केसीले उमेद्वारी फिर्ता लिएपछि लामा र खत्री बीच निर्वाचन भएको निर्वाचन अधिकृत कुमार नेगीले जानकारी दिए ।
त्यसैगरी पालुङ जेसीजको कार्यकारी उपाध्यक्षमा बिक्रम गोपाली र सुशान्त गोपाली तथा उपाध्यक्षमा संजय गोपाली, माधव कार्की, जनक तामाङ र सुविन्द्रमान प्रधान सर्वसम्मत निर्वाचित भएको निर्वाचन अधिकृत नेगीले जानकारी दिए । कार्यकारी उपाध्यक्षमा चार उपाध्यक्ष पदका लागि ८ जनाको उमेद्वारी परेको थियो । पालुङ जेसीज सन् २००० मा स्थापना भएको हो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
