थाहानगरकाे लाेकप्रिय पाथीभरा बचत तथा ऋण सहकारी संस्थाले पालुङ बहुमुखी क्याम्पसमा अध्ययनरत एक जना विद्यार्थीकाे लागि पूर्ण छात्रवृत्ति उपलब्ध गराएकाे छ ।
सहकारीका अध्यक्ष गाेकर्ण बरुवाल र शिक्षा उपसमिति संयाेजक राजाराम रायमाझीले २२ पुसमा क्याम्पसमै पुगेर रु. २५,००० बराबरकाे छात्रवृत्ति प्रदान गरेका हुन् ।
सहकारीले उपलब्ध गराएकाे छात्रवृत्ति क्याम्पसकाे वार्षिकोत्सबकाे अवसरमा विद्यार्थीलाई प्रदान गरिने क्याम्पस प्रमुख रामहरि अधिकारीले जानकारी दिए ।
क्याम्पसले विद्यार्थीहरुलाई छात्रवृत्ति उपलब्ध गराउन विशेष अभियान सञ्चालन गरी विभिन्न व्यक्ति तथा संस्थाहरुलाई सहयाेगकाे आग्रह गरिरहेकाे क्याम्पस प्रमुख अधिकारीले बताए ।
क्याम्पसमा हाल करिव डेढ सय विद्यार्थी अध्ययनरत छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
