थाहा नगरपालिकामा कोरोना सङ्क्रमणदर बढ्दै गएपछि स्वास्थ्यकर्मीहरुको टोली टोलटोलमा पुगेर परीक्षणको दायरा बढाउन थालेका छन् । हालसम्म थाहाका ६, ७, ८, ११, १२ लगायत वडाहरुको टोलटोलमा पुगेर स्वाब सङ्कलन र परीक्षण गरिसकेको थाहा नगरपालिकाले सोमबार १७ जेठमा वडा नम्बर ३ मा पुगेर एन्टिजेन परीक्षण गर्ने भएको छ ।
थाहा नगरपालिका वडा नम्बर ३ का वडा अध्यक्ष राजेश केसीका अनुसार वडा नम्बर ३ मा तीन स्थानमा फरक फरक समयमा एन्टिजेन परीक्षण गरिनेछ । सोमबारका लागि बिहान सात बजे डाडागाउँ, एघार बजे दम्की र दिउँसो तीन बजे बिकासघर शिखरकोटमा पायक पर्ने व्यक्तिहरुलाई बोलाइएको उनले जानकारी दिए ।
कोरोनाको लक्षणसँग मिल्दोजुल्दो लक्षण देखिएका र यसअघि सङ्क्रमण पुष्टि भई आइसोलेसनमा रहेका परिवारका सदस्यहरुलाई प्राथमिकता दिएर परीक्षण गरिने वडा अध्यक्ष केसीको भनाइ रहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
