अनेरास्ववियुले आफ्नो अभियान अन्तर्गत २७ साउनमा बकैया गाउँ पालिकामा सबै बिद्यार्थीलाई खोप लगाउन माग गरेको छ । अखिल केन्द्रिय सदस्य नवीन मिश्रको नेतृत्वमा पालिका उपाध्यक्ष सरला बोलखेसमक्ष बिद्यार्थीहरुलाई खोप लगाउन माग गरेको हो ।
सरकारले सबै खालको सेवामा रहेका व्यक्तिहरु, फ्रन्टलाइनर तथा जेष्ठ नागरिक आदिलाई खोप लगाइसकेको अवस्थामा बिद्यार्थी बर्गले खोप लाउन पाएका छैनन् । उपाध्यक्ष बोलखेलाई पत्र बुझाउदै केन्द्रिय सदस्य मिश्रले बिद्यार्थीलाई खोप नलगाई बिधालय, क्याम्पस संचालन गर्न सकिने अवस्था नरेको बताएका थिए ।
बोलखेले पनि पालिका यो बिषयमा सकारात्मक रहेको बताउदै २८ साउनपछिका खोप कार्यक्रमहरुमा बिद्यार्थी परिचय पत्र र नागरिकता बोकेर आएकै आधारमा खोप लगाउने बाताबरण बनाउने बताए । उनले खोप लगाउने बिद्यार्थीहरुलाई सहजीकरण गर्न अनेरास्ववियु बकैयाका संयोजक मनोज सुनार र सह संयोजक बिश्वास मगरलाई अनुरोध गरिन् । बिद्यार्थी परिचय पत्रकै आधारमा खोप उपलब्ध हुने प्रतिक्रिया पछि केन्द्रिय सदस्री मिश्रले बोलेखेलैइ धन्यवाद समेत दिएका थिए ।
खोप माग पत्र बुझाउने क्रममा अनेरास्ववियुका केन्द्रिय सदस्य नवीन मिश्र, जिल्ला कमिटी सदस्यहरु भुपेन्द्र राना, राजिब परियार, बकैया गाउँ पलिका संयोजक मनोज सुनार तथा सहसंयोजक बिश्वास मगरको उपस्थिती रहेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
