त्रिभुवन राजपथको दामन र टिष्टुङ खण्डमा गरिएको कालोपत्रे गुणस्तरहीन भएकाे भन्दै सडक डिभिजन कार्यालय हेटाैडाले निर्माण कम्पनीलाई तत्काल काम रोक्न निर्देशन दिएको छ ।
निर्माणको जिम्मा पाएको रोजन निर्माण सेवाले नौविसेमा पकाएको कालोपत्रे दामन र टिष्टुङसम्म ल्याएर काम गर्दा गुणस्तरीय हुन नसकेकोले तत्काल काम राेक्न निर्देशन दिएकाे डिभिजन कार्यालयका सूचना अधिकारी इन्जिनियर लोमस उपाध्यायले जानकारी दिए । अत्याधिक चिसाेका कारण कालाेपत्रे जारी राख्न उपयुक्त नहुने र ४० किलाेमिटर टाढाबाट ल्याउँदा त झनै प्रभावहिन हुने प्राविधिकहरुकाे भनाइ छ । कालाेपत्रे 'कामै नलाग्ने' गरेकाे भन्दै स्थानीयले शुरुदेखि नै विराेध गर्दै आएका छन् ।
स्थानीयकाे गुनासाे र फिल्ड अनुगमनका आधारमा अब पुनः कालाेपत्रे शुरु गर्दा साइटनजिकै प्लान्ट राखेर काम गर्न डिभिजनले निर्देशन दिएको छ । डिभिजनका सूचना अधिकारी उपाध्यायका अनुसार १५ माघसम्म कालाेपत्रेकाे काम रोक्न निर्देशन दिइएकाे छ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
