दावा शेर्पा/दामन : थाहा नगरपालिका वडा नम्बर ४ काे सिमभन्ज्याङ, नारायणझ्याउ, माखु, फापरबारी, जुरेथुम लगायत बस्तीहरुकाे विकासबारे ३ असारमा छलफल भएकाे छ ।
अार्थिक वर्ष २०७८/७९ को बजेट लक्षित गर्दै वडाध्यक्ष दिपकसिं लामा र वडा सदस्य रवि विष्टकाे उपस्थितिमा भाैतिक दुरी कायम गरी छलफल भएकाे हाे ।
छलफलमा दामन-सिमभनञ्ज्याङ पर्यटकीय क्षेत्र भएकोले पर्यटन प्रवर्धनमा टेवा पुग्नेगरी बजेट समावेश गर्न स्थानीय पर्यटन ब्यबसायीहरुले अाग्रह गरे ।
अन्य टोलहरुले भने सडकलाई प्राथमिकता दिएका छन् । कार्यक्रममा अहिलेसम्मको अवधिमा साेचेजति काम हुन नसकेकाे स्थानीयले गुनासाे गरेका थिए । उनीहरुले अबकाे वर्ष केही काम हुन सक्ने अासा व्यक्त गरे ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
