थाहा नगरपालिका वडा नम्बर ८ घर भई हाल काठमाडौँमा रहेका युवाहरुले थाहा नगरकार्यपालिका तथा वडा नम्बर ७ र ८ कार्यालयलाई एक साथ सहयोग गरेका छन् । २४ जेठ दिउँसो थाहा ७ र८ वडा कार्यालयलाई स्वास्थ्य सामग्री सहयोग गरेको युवा समूहले नगर कार्यपालिका कार्यलय पुगेर समग्र थाहा नगरको लागि सहयोग गरेको हो ।
नगरमा कोरोना रोकथाम तथा नियन्त्रण गर्न उनीहरुले सक्रिय युवा समूहको नामबाट स्वास्थ्य सामग्र हस्तान्तरण गरेका हुन् । नगर उपप्रमुख खड्गबहादुर गोपालीलाई हस्तान्तरण गरिएको सामग्रीहरुमा अक्सिजन सिलिण्डर १ थान, पीपीई ४ थान, साबुन १४० डल्ला र ३ हजार थान सर्जिकल मास्क रहेका छन् ।
थाहा नगरलाई स्वास्थ्य सामग्री हस्तान्तरण गर्न सक्रिय युवा समूह, थाहा–८ का युवाहरु रविन्द्र कार्की, भूमिनन्द सापकोटा, अनिल आचार्य, विष्णुहरि सापकोटा, रामशरण ढकाल, नारायण सापकोटा लगायत आइपुगेका थिए । उनीहरुले थाहा–७ वडा कार्यालयलाई २ हजार १०० सर्जिकल मास्क, ५ थान पीपीई, २ थान अक्सिमिटर, ११ लिटर स्यानिटाइजर र १ थान अक्सिजन सिलिण्डर प्रदान गरेका हुन् । त्यसैगरी वडा नम्बर ८ कार्यालयलाई २ हजार १०० सर्जिकल मास्क, ६ थान पीपीई, २ थान अक्सिमिटर, ११ लिटर स्यानिटाइजर र १ थान अक्सिजन सिलिण्डर प्राप्त भएको वडा अध्यक्ष टिकाराम रुम्बाले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
