थाहा नगरपालिका वडा नम्बर ७ कार्यालयले १९ जेठबाट एक घर–एक स्यानिटाइजर, एक व्यक्ति–एक मास्क अभियान शुरु गरेको छ ।
वडा कार्यालयको आफ्नै पहलमा सो अभियान सञ्चालन गरिएको वडा अध्यक्ष सनमसिं मुक्तानले बताए । अभियानअन्तर्गत् १९ जेठमा वडाको ९४ वटा घरमा पुगेर प्रत्येक परिवारलाई एक सय मिलिलिटरको एउटा स्यानिटाइजर र प्रत्येक व्यक्तिका लागि एउटा मास्कको दरले बितरण गरिएको उनले जानकारी दिए । कोरोना सङ्क्रमितलाई भने १० वटा मास्कको दरले बितरण गरिएको उनको भनाइ रहेको छ ।
हाल वडा कार्यालयले वडाबासीलाई वितरण गर्न १० हजार थान सर्जिकल मास्क र १ हजार ५०० वटा सेनिटाईजर खरिद गरेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
