स्थानीय तह निर्वाचन २०७९ अन्तर्गत् थाहा नगरपालिका–६ को वडा अध्यक्षमा नेपाली काँग्रेसका उमेदवाहरु भारी मतसहित विजयी भएका छन् । वडा अध्यक्षका उमेदवार राजेन्द्रभक्त श्रेष्ठसहित काँग्रेसको प्यानल नै विजयी भएको हो ।
निर्वाचन कार्यालय दिएको जानकारी अनुसार काँग्रेसका वडाध्यक्षका उमेदवार श्रेष्ठले ११३८ मत प्राप्त गरी विजयी भएका हुन् । उनका निकटतम प्रतिद्वन्द्वी नेकपा एमालेका मनहरि भट्टले ६४२ मत प्राप्त गरेका छन् भने नेकपा माओवादी केन्द्रका उमेदवार इन्द्रबहादुर श्रेष्ठले ५१७ मत प्राप्त गरेका छ् ।
खुल्ला सदस्यमा नेपाली काँग्रेसका पूर्णबहादुर घोङ्वा र मनोरथ बलामी क्रमशः ९५६ र ८८८ मतसहित विजयी भएका छन् । त्यसैगरी महिला सदस्यमा उर्मिला अधिकारी र दलित महिला सदस्यमा कौशिला दर्जी निर्वाचित भएका छन् । अधिकारी र दर्जीले क्रमशः १००५ र १०२६ मत प्राप्त गरेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
