थाहा नगरपालिकाकाे बज्राबाराहीस्थित आइसोलेशनमा बसेका काेराेना सङ्क्रमणका बिरामीहरुलाई पौष्टिक आहारको रुपमा खुवाउन मकवानपुर कुखुरा व्यवसायी संघले अण्डा उपलब्ध गराएकाे छ ।
१९ जेठमा थाहा नगर कार्यपालिकामै पुगेर संघका पदाधिकनरीहरुले नगर प्रमुख लवशेर विष्टलाई प्रारम्भिक चरणमा ४२ क्यारेट अण्डा हस्तान्तरण गरेका हुन् ।
संघले आइसोलेसनमा बसेका बिरामीहरुलाई एक महिनासम्म प्रतिबिरामी दैनिक २ वटाका दरले उपलब्ध गराउने प्रतिवद्दता समेत व्यक्त गरेकाे छ ।
अण्डा ग्रहण गर्दै नगर प्रमुख विष्टले कोरोना महामारीको अन्त्यका लागि सबै मिलेर लाग्नु पर्ने बताए । साे अवसरमा संघकाे तर्फबाट गाेकुलनाथ पाैडेल, राजु अधिकारी लगायत सहभागी थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
