भारी वर्षाका कारण खोलाहरुमा बाढी आउनुका साथै वर्षा जारी रहेकोले १७ असारमा गर्ने भनिएको थाहानगर कोभिड रोकथाम तथा नियन्त्रण निर्देशन समितिको बैठक स्थगित भएको छ ।
वर्षातका कारण स्थानीय खोलाहरुमा बाढीको सतह बढेपछी आउजाउमा अवरोध भएको भन्दै बैठक स्थगित गरिएको नगरपालिकाले जनाएको छ । बैठकमा थाहानगरमा कोरोना वृद्धिदर बढेको विषयमा गम्भीर समीक्षा गर्दै रोकथाम तथा नियन्त्रणका थप उपायका विषयमा छलफल गर्ने योजना थियो ।
थाहानगरका प्रमुख लवशेर विष्टका अनुसार अनुकूल मौसम भएमा बैठक १८ असारमा सञ्चालन हुनेछ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
