थाहा नगरपालिकामा ५५ वर्षमाथिका नागरिकहरुलाई लक्षित गरी कोरोना भाइरसविरुद्धको खाेप लगाइने भएकाे छ । खाेपका लागि सबै शिक्षकहरु र गाडी चालक/ सहचालकहरुलाई पनि प्राथमिकतामा राखिएकाे छ ।
खोपको पहिलो डोज नपाएकाहरुलाई ३१ असार र १ साउन गरी २ दिन नगरका सबै स्वास्थ्य केन्द्रहरुमा खोप लगाइने नगरपालिकाले जनाएकाे छ ।
खोप लगाउनका लागि ५५ वर्ष माथिकाले नागरिकता र शिक्षकहरुले सम्बन्धित निकायबाट जारी गरिएको परिचय पत्र अनिवार्य बोक्नु पर्ने नगर स्वास्थ्य शाखाले जनाएकाे छ । त्यसैगरी चालकको हकमा सवारी चालक अनुमति पत्र (ड्राइभिङ लाइसेन्स) र सहचालकको हकमा सम्बन्धित गाडीका चालकको सिफारिस अनिवार्य गरिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
