कोरोना भाइरस सङ्क्रमणको दोस्रो लहरबाट कुनै बेला पाँच सयभन्दा बढी सङ्क्रमित पुगेको थाहा नगरमा पछिल्लो समय निको हुनेको सङ्ख्या ह्वात्तै बढेको छ । १२ बैशाखयता थाहा नगरपालिकामा ११५१ जनामा कोरोना भाइरस सङ्क्रमण पुष्टि भएकोमा ११०९ जना जना निको भएका छन् ।
हाल नगरमा २७ जना कोरोनाको सक्रिय बिरामी रहेको थाहा नगरपालिकाको साप्ताहिक प्रतिवेदनमा जनाइएको छ । नगरपालिकाको विवरण अनुसार नगरमा कोरोनाका कारण १५ जनाको मृत्यु भएको छ ।
हाल कोरोनाबाट बिरामी २७ जनामध्ये २६ जना सामान्य अवस्थाका कारण होम आइसोलेशनमा रहेका छन् भने एक जनालाई नगरबाहिर पठाइएको छ । नगरको सामुदायिक आइसोलेशनमा कोरोनाका बिरामीहरुको सङ्ख्या सुन्य रहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
