थाहा नगरपालिकामा ११ असारमा २४ जनामा एन्टिजेन परीक्षण गर्दा १८ जनामा कोरोना पोजिटिभ देखिएको छ । थाहा नगरपालिकाले सार्वजनिक गरेको तथ्याङ्कले यस्तो डरलाग्दो स्थिति देखाएको हो ।
नगरपालिकाको प्रतिवेदन अनुसार ११ असारमा कोरोना परीक्षण गरिएकामध्ये ७५ प्रतिशतलाई कोरोना देखिएको हो । सङ्क्रमण पुष्टि भएका १८ मध्ये सबैभन्दा धेरै ६ नम्बर वडाका रहेका छन् । छ नम्बर वडामा एकैदिन ९ जनामा कोरोना सङ्क्रमण पुष्टि भएको नगरपालिकाले जनाएको छ । त्यसैगरी वडा नम्बर १ का ४ जना, २ का १ जना, ३ का २ जना, ४ का १ जना र १० का १ जनामा कोरोना देखिएको छ ।
योसँगै नगरमा कोरोना पुष्टि हुनेहरुको सङ्ख्या ८१३ पुगेको छ । यसमध्ये अहिले पनि ४५९ जना कोरोनाबाट आइसोलेशनमा रहेका छन् । ४२४ जना होम आइसोलेशनमा र ११ जना थाहा आइसोलेशनमा छन् भने २४ जनालाई अवस्था सुधार नभएकोले थाहा नगरबाहिर रिफर गरिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
