मकवानपुर थाहा नगरपालिका क्षेत्रका सामुदायिक तथा संस्थागत विद्यालय चारदिन बन्द हुने भएको छ । यद्यपि विद्यालयहरुमा पूर्व घोषित परीक्षा कार्यक्रम बाहेक अन्य विद्यालयमा विदा दिइएको थाहा नगरपालिका शिक्षा शाखा प्रमुख शोभाकर रेग्मीले बताए ।
शिक्षा, विज्ञान तथा प्रविधि मन्त्रालयले विद्यमान वायु प्रदूषणले विद्यार्थीको स्वास्थ्यमा पार्न सक्ने नकारात्मक असरलाई मध्यनजर राखी १६ चैत्रमा विज्ञप्ती प्रकाशन विद्यालय बन्द आव्हान गरिएको हो । थाहानगर शिक्षा शाखा प्रमुख रेग्मीले भने–‘मन्त्रालयले जारी गरेको सूचना र तोकिएको विदा सोही बमोजिम हुनेछ, थाहा नगरपालिका स्थित सबै सामुदायिक तथा संस्थागत विद्यालयहरु पनि सोही सूचनामा तोकिए बमोजिम बन्द रहने व्यहोरा अनुरोध छ ।’
शिक्षा, विज्ञान तथा प्रविधि मन्त्री कृष्ण गोपाल श्रेष्ठको अध्यक्षतामा बसेको बैठकले यहि चैत्र २० गते शुक्रबारसम्म ४ दिनको लागि विद्यालद बन्द गर्ने निर्णय गरेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
