बेमौसमी तरकारी खेतीको पकेट क्षेत्र मानिने थाहा नगरपालिकामा बीउ आलु उत्पादनका लागि प्रस्ताव आह्वान गरिएको छ ।
थाहा नगरपालिकाको कृषि शाखाले एक सूचना प्रकाशित गरी कृषि सहकारी संस्था, कृषि फर्म, कृषि उद्यमी र कृषकहरुबाट रीतपूर्वक प्रस्ताव आह्वान गरेको हो ।
एक महिनाको अवधि दिएर आह्वान गरिएको सूचनामा जनाइए अनुसार प्रस्ताव स्वीकृत भएपछि स्वीकृत वार्षिक कार्यक्रम अनुसार रु. १० लाखसम्म उपलब्ध गराइनेछ ।
कृषि शाखाले प्रस्ताव पेश गर्दा निवेदन, तोकिएको ढाँचामा प्रस्ताव, जग्गाको क्षेत्रफल र भोगचलन खुल्ने कागजात, प्रतिवद्धतापत्र, बीउ आलु उत्पादनसम्बन्धी पाँच वर्षे उत्पादन चक्र र आयोजनासम्बन्धी अन्य आवश्यक कागजातहरु संलग्न गर्नुपर्ने उल्लेख गरेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
