मकवानपुर मकवानपुर थाहा नगरपालिकाको नगर प्रमुख पदमा नेकपा माओवादी केन्द्रका लवशेर विष्ट निर्वाचित भएकाछन् । नेकपा एमालेका विष्णु प्रसाद ढकाललाई दुई हजार ५४२ मतले पराजित गर्दै विष्ट निर्वाचित भएका हुन् । विष्टले नौ हजार ९१ मत प्राप्त गरे भने उनका प्रतिद्धन्द्धी ढकालले छ हजार ५४९ मत पाए ।
थाहाको उप प्रमुखमा भने नेपाली काँग्रेसका खड्ग बहादुर गोपाली निर्वाचित भएका छन् । गोपालीले नेकपा एमालेकी कल्पना बलामीलाई पाँचसय १८ मतले पराजित गर्दै नगर उपप्रमुखमा निर्वाचित भएका हुन् । निर्वाचित भएका दुवै प्रमुख र उपप्रमुखको निर्वाचन अधिकृत जीवन प्रसाद आचार्यले घोषणा गरेका थिए । त्यस्तै थाहाको १२ वडा मध्ये नेकपा एमाले र माओवादी केन्द्रले ६/६वटा वडाध्यक्ष जितेका छन् । २७ हजार ६६७ मतदाता भएको थाहामा बीस हजार ९४५ मत खसेको थियो ।
निर्वाचित पदाअधिकारीलाई बधाई ज्ञापन गर्दै निर्वाचन अधिकृत आचार्यले सफल कार्यकालको शुभकामना व्यक्त गरे । उनले निर्वाचनमा प्रत्यक्ष र अप्रत्येक्ष रुपमा सहज ढंगले सम्पन्न गराउन सहयोग गर्नुहुने सम्पूर्ण मतदाताहरु, सम्पूर्ण राजनीतिक दल, दल मातहतका भातृ संगठनका प्रतिनीधीहरु, संचारकर्मीहरु, पर्यवेक्षक, सुरक्षाकर्मी, कर्मचारीहरुलाई धन्यवाद दिएका छन् ।
नगर प्रमुख पदमा निर्वाचित विष्ट र उप प्रमुख गोपालीप्रति विकासखबर टिम बधाई ज्ञापन गर्दै कार्यकालको सफलताको कामना गर्दछ ।
