मकवानपुर थाहा नगरपालिकामा एकै दिन ६ जनामा कोभिड–१९ एन्टिजिन पोजेटिभ देखिएको छ । १२ वैशाखमा एन्टिजिन पोजेटिभ देखिएका अधिकांश महिला छन् । २० जनाको परीक्षण गर्दा ६ जनामा पोजेटिभ देखिएको हो ।
थाहा नगरपालिका वडा नम्बर ६ का ४ महिला र १ पुरुष तथा थाहा नगरपालिका वडा नम्बर ३ की एक महिलामा एन्टिजिन पोजेटिभ देखिएको पालुङ प्राथमिक स्वास्थ्य केन्द्रका डाक्टर रिकेश कार्कीले जानकारी दिए । उनीहरु मध्ये एक स्वास्थ्यकर्मी र एक सरकारी कर्मचारी रहेका छन् ।
एन्टिजिन पोजेटिभ देखिएका सबैलाई होम आइसोलेशनमा बस्नका लागि अनुरोध गरिएको डाक्टर कार्कीले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
