मकवानपुर थाहा नगरपालिका वडा नम्बर ११ मा घरमा चट्याङ पर्दा आगलागी भएको छ ।
टिष्टुङको पञ्चशील टोल, नागन्झालमा इमानसिं मोक्तानको घरमा २७ चैत्र बेलुकी परेको चट्याङले घरमा आगलागी भएको स्थानीय समाजसेवी मंगल तामाङले जानकारी दिए । ‘घरमा चट्याङ लागेपछि विद्युत सर्ट भई त्यहीबाट आगोलागी भएछ, स्थानीयहरुले निभायौं, मोक्तानले भने,–‘घटना गाउँ भित्र भएको र साँघुरो सडक भएकोले नगरपालिकाको दम्कल पनि जान संभव थिएन ।’ बेलुकी साँढे ७ बजे लागेको आगो स्थानीयहरुले साँढे नौ बजे मात्र नियन्त्रणमा लिएका थिए ।
चट्याङपछि घरको तेस्रो तल्लामा रहेको खोस्टा र परालमा आगो सल्किएको स्थानीयहरुले बताएका छन् । आगलागी भएपछि घरको माथिल्लो दुइ तला कामै नलाग्नी गरी क्षती भएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
