मकवानपुर थाहा नगरपालिका अन्तर्गत दामन–डाँडाबास सडक खण्डको चौबास जाने मोड नजिकै डाँडामा सवारी दुर्घटना भएको छ ।
मकवानपुरको थाहा नगरपालिका वडा नम्बर ७ डाँडाबासमा सवारी दुर्घटना हुँदा १ जना गम्भिर र २ जना सामान्य घाइते भएका छन् । घाइते हुनेमा चालक दोलखा गौरीशंकर-१ बस्ने ४० बर्षीय दिनेश दाहाल, गाडिमा सवार मण्डनदेउपुर-४ का विजय लामा र थाहा-७ गैरीगाउँका ३१ बर्षीय प्रेम लामा रहेका छन् । घाइतेमध्ये दाहाल र विजय लामालाई उपचारका लागि काठमाडौं पठाइएको छ भने प्रेम लामा पालुङमा उपचारपछि डिस्चार्ज भएका छन् ।
काठमाडौंबाट तरकारी लिन डाँडाबास गैरीगाउँतर्फ गइरहेको बा १८ च ७४५२ नम्बरको जीप चौबासतर्फ जाने मोड नजिक सडकमा जमेकाे तुषाारोका कारण सडकबाट करिब ५० मिटर तल जिल्ला प्रहरी कार्यालय मकवानपुरले जनाएको छ ।
