थाहानगरका मनोज रायमाझी सन् २०२२ का लागि नेपाल जेसीज क्षेत्र ‘ख’ को प्रकरण निर्देशक (थिम डाइरेक्टर) मनोनित भएका छन् । पोखरामा सम्पन्न नेपाल जेसीजको ४८ औं राष्ट्रिय महाधिवेशनबाट अध्यक्षमा निर्वाचन भए लगत्तै नवनिर्वाचित राष्ट्रिय अध्यक्ष लालमणि भण्डारीले पालुङ जेसीजका निवर्तमान अध्यक्ष रायमाझीलाई क्षेत्र ‘ख’ को प्रकरण निर्देशक मनोनित गरेका हुन् ।
विभिन्न संघसंस्थाको नेतृत्व तहमा रहेका रायमाझीले सन् २०२० मा पालुङ जेसीजको अध्यक्ष निर्वाचित भएर नेतृत्व लिएका थिए । सन् २०१९ मा पालुङ जेसीजका अध्यक्ष कुमार नेगी निर्वाचित हुँदा रायमाझीले महासचिवको भूमिकामा रही कुशलतापूर्वक कार्य गरेका थिए ।
प्रकरण निर्देशकमा मनोनित भएपछि थाहा टाइम्ससँग कुरा गर्दैै निर्देशक रायमाझीले सन् २०२२ को जेसिज प्रकरण(थिम)लाई सार्थक बनाउन क्षेत्र ‘ख’ मा आफूले विशेष भूमिका निभाउने बताए ।
नेपाल जेसीजको सन् २०२२ को थिम ‘एक्ट फर इम्प्याक्ट’ रहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
