थाहा नगरपालिका वडा नम्बर ७ कार्यालयलाई स्वास्थ्य सामग्री हस्तान्तरण गरिएको छ । वडामा कोरोना रोकथाम तथा नियन्त्रण गर्न थाहा–८ बाहुनगाउँ घर भई हाल काठमाडौँ रहेका १३ जना युवाहरुले स्वास्थ्य सामग्री हस्तान्तरण गरेका हुन् ।
युवाहरुबाट वडालाई दुई हजार १०० सर्जिकल मास्क, पाँच थान पीपीई, दुई थान अक्सिमिटर, एघार लिटर स्यानिटाइजर र एक थान अक्सिजन सिलिण्डर प्राप्त भएको वडा नम्बर ७ का वडा अध्यक्ष सनमसिं मोक्तानले जानकारी दिए । वडा अध्यक्ष मोक्तानले सम्पूर्ण सहयोगी युवाहरुलाई धन्यवाद दिएका छन् ।
थाहा नगरपालिका–७ मा अहिले ५५ जना सक्रिय सङ्क्रमित रहेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
