मकवानपुरकाे पर्यटकीय दामन-सिमभञ्ज्याङ क्षेत्रमा हिउँ परेकाे छ । गए रातिदेखि परेकाे वर्षासँगै साे क्षेत्रमा विहानैदेखि हिउँ परेकाे हाे । हिमपात अझै जारी छ ।
दामन-सिमभञ्याङसहित वरपरका अग्ला डाँडाहरु हिउँ परेर सेताम्मे भएका छन् । हरेक वर्षजसाे हिमपात हुने साे क्षेत्रमा यस वर्षकाे हिउँदमा पहिलाेपटक हिउँ परेकाे हाे ।
हिमपातका कारण त्रिभुवन राजपथकाे पालुङ-अघाेर खण्डकाे झण्डै १० किलोमिटर सडकमा हिउँ जमेकाे छ । सडकमा हिउँ जमेकाे कारण साे सडक भएर चल्ने सवारीहरु बीचमै राेकिएका छन् ।
अहिले पनि हिउँ परिरहेकाेले तत्काल हिउँ पञ्छाएर सवारी आवागमन सुचारु गर्न सम्भव नरहेकाे इलाका प्रहरी कार्यालय पालुङले जनाएकाे छ ।
विहानैदेखि हिउँ परेकाेले पालुङबाट त्रिभुवन राजपथ भएर हेटाैँडा जाने कुनै पनि सार्वजनिक सवारी नपठाइएकाे थाहानगरस्थित नारायणी यातायात काउण्टरका इन्चार्ज अरुण लामाले जानकारी दिए ।
दामन क्षेत्रमा हिमपात जारी रहे १५ वर्ष यताकै ठूलाे हिमपात हुनसक्ने स्थानीयले अनुमान गरेका छन् । तर हिउँ पर्न राेकिएर वर्षा भएमा छिट्टै पग्लिनसक्ने सम्भावना पनि उत्तिकै रहेकाे छ ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
-1786724016.jpg)
![fdk;fb-;fksf]6f-(3)-1786589187.png](https://www.thahatimes.com/public/images/news/2026-08-13/400/fdk;fb-;fksf]6f-(3)-1786589187.png)
![fdk;fb-;fksf]6f-(4)-1786591258.png](https://www.thahatimes.com/public/images/news/2026-08-12/400/fdk;fb-;fksf]6f-(4)-1786591258.png)