मकवानपुरमा कोरोना संक्रमण बढ्नुको साथै जोखिम बढेको भन्दै ३१ साउनबाट एक हप्ताको लागि मालपोत कार्यालय, हेटौंडा र नापी कार्यालय,हेटौंडा बन्द गरिने भएको छ
हेटौंडा स्थित मालपोत कार्यालय भिडभाड बढेको र संक्रमणको जोखिम उच्च भएकोले आईतबारबाट एक हप्ताको उक्त कार्यलयहरु बन्द गर्न लागिएको जिल्ला प्रशाासन कार्यलय मकवानपुरका प्रमुख जिल्ला अधिकारी (प्रजिअ) भरतमणि पाण्डेले बताए ।
प्रजिअ पाण्डेले थाहा स्थित मालपात र नापी कार्यलयमा भिडभाड बढेको र संक्रमणको जोखिम भएको अवस्थामा कार्यलय प्रमुखहरुले केहिदिनको लागि कार्यलय बन्द गर्न सक्ने अधिकार रहेको बताए ।
यसैगरी प्रजिअ पाण्डेले जिल्ला प्रशासन कार्यालय मकवानपुरले आइतबारदेखि आलोपालोमा सेवा प्रवाह गर्ने बताए ।
जिल्लामा संक्रमण बढेको र संक्रमणको जोखिमलाई मध्यनजर गर्दै कार्यलयमा भिडभाडको साथै संक्रमण बढ्न नदिन नयाँ नागरिकता, प्रतिलिपि नागरिकता र राहदानी सेवा आलोपालो प्रवाह गर्न लागिएको बताए । उनले प्रशासनले एक हप्ता नयाँ नागरिकता र अर्को हप्ता प्रतिलिपि नागरिकता र राहदानी सेवा प्रवाह गर्ने बताए । खबरब्रेककाे सहयाेगमा ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
