थाहा नगरपालिकाको जनकल्याण माध्यमिक विद्यालयले कक्षा ११ को सबै सङ्कायको अन्तिम परीक्षाको तालिका(रुटिन)–२०७७ सार्वजनिक गरेको छ ।
आगामी १४ साउनदेखि शुरु हुने गरी सो विद्यालयले परीक्षा तालिका सार्वजनिक गरेको हो । दुई सत्रमा हुने परीक्षामा पहिलो सत्रअन्तर्गत् विहान ७ः३० देखि कृषि, विज्ञान र व्यवस्थापन सङ्कायका परीक्षाहरु र दोस्रो सत्र अन्तर्गत ११ः०० बजेदेखि मानविकी र शिक्षा सङ्कायका परीक्षाहरु सञ्चालन हुने प्रधानाध्यापक सानोभाइ कार्कीले जानकारी दिए ।
मास्क, सेनिटाइजर र भौतिक दुरीसहित भौतिक उपस्थितिमै परीक्षा हुने विद्यालयले जनाएको छ । परीक्षा आवेदन फारम ८ साउनसम्म भर्न र १३ गते प्रवेश पत्र लिन विद्यालयले सम्बन्धित विद्यार्थीहरुलाई सूचित गरेको छ । ८ गतेसम्म परीक्षा आवेदन नबुझाए ९ देखि १२ साउनसम्म बिलम्ब शुल्क लाग्ने पनि विद्यालयले जानकारी दिएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
