जडिबुटी खोज्न गएका गोरखाका एक युवक भीरबाट लडेर बेपत्ता भएका छन् । बारपाक सुलिकोट वडा नम्बर १ को लेकमा वनलसुन खोज्न गएका चुमनुब्री गाऊँपालिका-३ का २४ वर्षका सुरेन्द्र गुरुङ शनिवार दिउँसो ३ बजेतिर भीरबाट लडेको जिल्ला प्रहरी कार्यालय गोरखाले जनाएको छ । भीरबाट लडेर बेपत्ता भएका उनको खोजी गर्न सम्भव नभएपछि सँगै गएका अन्यले प्रहरीमा खबर गरेका थिए ।
प्रतिकूल मौसमका कारण भएका युवकको खोजीमा कठिनाइ भएको जिल्ला प्रहरी कार्यालयका डीएसपी प्रकाश दाहालले बताए। जडिबुटी खोज्न गएका अन्यलाई भने सिम्रिक एयरको हेलिकप्टरबाट उद्धार गरेर धार्चे गाउँपालिका-४ लाप्राकमा उनीहरुको आफन्तकहाँ ल्याएर छोडिएको दाहालले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
