मकवानपुरको थाहानगरलाई काठमाण्डौंसंग जोड्ने छोटो मार्ग निर्माणका लागि संचालन भैरहेको खाजा बैंकमा ५० हजार रुपियाँ सहयोग भएको छ । २८ मंसिरमा थाहा नगरपालिका वडा नम्बर २ का निर्माण व्यवशायी माधव कार्कीले उक्त सहयोग गरेका हुन् ।
निर्माण कम्पनीले चित्लाङ–थानकोट सडक समयमै सडक निर्माण सम्पन्न नगरेपछि २ महिना भन्दा अघिदेखि स्थानीय सरकोकार समितिले आवश्यक सहजीकरणमा निर्माण कार्य भैरहेको छ । सरकोकार समितिले निर्माण स्थलमा खटिने मजदुरहरुलाई दैनिक खाजा खुवाउन तथा खाजा बैंक अभियान संचालन गरिरहेको स्थानीय बुद्धरतन मानन्धरले जानकारी दिए ।
सहयोग पाएपछि मानन्धरले फेसबुकमा लेखेका छन्–‘थाहा न पा २ पालुङका निर्माण व्यवशायी माधव कार्की (मेरो पुर्व विद्यार्थी) ले सेतोपहरा खण्डको सडक अवलोकन पश्चात् सहर्ष सडक निर्माण खाजा समितिको लागि रु.५००००/- पचास हजार प्रदान गरि भविष्यमा आवश्यक सहयोग प्रदान गर्दै जाने कुराले हामीलाइ भरोसा थपिएको छ।’
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
