हेटौंडा उपमहानगरपालिकामा कार्यरत १८ जना कर्मचारी मध्यमा १० जना दमकलका चालक र यसमा सहयोगी कर्मचारी परेका छन् ।
दमकल सञ्चालन गर्ने सबै कर्मचारीमा कोरोना संक्रमण भएपछी अत्यावस्यक सेवा अन्तरगतको दमकल सञ्चालन गर्नका लागि नै समस्या सृजना भएको उपमहानगरपालिकाका मेयर हरिबहादुर महतले बताए ।
दुईवटा दमकलका चालक चार जना र अरु ६ जना आगो निभाउने काममा खटिने कर्मचारी (फायर मेन) लाई हिजो कोरोना संक्रमण भएपछी दमकलको सेवा दिन समस्या भएको मेयर महतले वताउनुभयो । दमकलका चालक र आगो निभाउने कर्मचारी तालिम प्राप्त दक्ष व्यक्ति हुन् । तत्काल आगो लागिहालेमा घटना स्थलमा पुगिहाल्ने र आगो निभाउने काममा उनीहरु बषौदेखि खट्दै आएका छन् । उपमहानगरपालिकामा र आसपासका जिल्ला समेतमा २४ सै घण्टा सेवा दिइरहने कर्मचारी कार्यालयको आवास गृहमा वस्दै आएका थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
